Hjartavöðvabólgan - toppurinn á ísjakanum

Það byrjaði rólega – fáeinar litlar fréttir um að eitthvað væri ekki í lagi. Í janúar 2021, aðeins örfáum vikum eftir að COVID-19 bóluefnin voru sett á markað tóku tilfelli af hjartavöðvabólgu að koma upp.

Hjartavöðvabólga – bólga í hjartavöðvanum – hafði aldrei verið tengd bóluefnum áður. Svo þegar 28 tilfelli voru tilkynnt til bandaríska tilkynningakerfisins um aukaverkanir vegna bóluefne (VAERS) [1] þann mánuðinn, ráku margir upp stór augu.

Í febrúar var sprænan orðinn að læk. VAERS fékk 64 ftilkynningar í viðbót, þar á meðal um tvö dauðsföll [2]. Síðan í mars tóku ísraelsk stjórnvöld [3] og bandaríski herinn [4] að tilkynna um slík mál líka.

Eitthvað skrítið var í gangi. En yfirvöld hunsuðu það.

Í mars samþykkti bandaríska lyfjaeftirlitið (FDA) Johnson & Johnson bóluefnið án þess að minnast einu orði áhjartavöðvabólgu [5]. Sóttvarnastofnunin (CDC) mælti fljótlega með því fyrir alla fullorðna [6]. Framhaldsskólar og fyrirtæki byrjuðu að skipuleggja sprauturnar [7]. Allt fór á fulla ferð.

En bak við lokaðar dyr hringdu viðvörunarbjöllurnar. CDC fundaði með hernum til að ræða hjartavöðvabólgutilfelli ungra hermanna [8]. Ísraelsk yfirvöld tilkynntu um tugi mála, þar á meðal hjá unglingum [9]. FDA hafði upplýsingar um það frá Pfizer að þá þegar væru næstum 60 tilfelli í gagnagrunni þeirra [10].

En út á við var ekkert að sjá nema afneitun. Forstjóri CDC hélt því fram að hún hefði engar upplýsingar um málin sem herinn hafði tilkynnt [11]. Pfizer faldi eigin gögn [12]. Og FDA stimplaði leyfi fyrir Pfizer bóluefninu fyrir unglinga í maí án þess að minnst væri á hjartavöðvabólgu [13].

Þegar tilkynningar um hjartavöðvabólgu tóku að streyma inn í VAERS grunninn hundruðum saman sumarið 2021 [14], var samt áfram þrýst á ungt, heilbrigt fólk að láta bólusetja sig. Þvingunum gagnvart óbólusettum var komið á um landið allt [15]. Yfirvöld staðhæfðu að ávinningurinn væri meiri en áhættan [16].

En sjúklingar tóku nú að deila frásögnum af sjúkrahússinnlögnum vegna hjartavandamála eftir bólusetningu [17]. Rannsakendur byrjuðu að birta greinargerðir um slík tilfelli í læknatímaritum [18]. En CDC hélt áfram að gera lítið úr málinu opinberlega [19].

Á bak við luktar dyr tóku embættismenn gera áætlanir um hvernig fylgjast mætti með þróuninni [20]. Þeir útvíkkuðu viðmiðin til að bera kennsl á hjartavöðvabólgu [21]. Fleiri sjúkrahús staðfestu óvenjuleg tilvik hjá bólusettum ungmennum [22].

Í júní bætti FDA hljóðlega viðvörunum um hjartavöðvabólgu inn á upplýsingablöð um bóluefni [23]. Fréttir tóku að berast af því að ráðgjafar CDC viðurkenndu nú „líkleg tengsl“ [24].

En umfang málsins var enn hulið. Yfirvöld héldu fast við þá frásögn að ávinningur væri meiri en áhætta [25]. Þau notuðu ófullnægjandi gögn og ofurbjartsýnar forsendur til að styðja við þá staðhæfingu að áfram borgaði sig fyrir ungt fólk að fá bóluefnið [26].

Áfram var þrýst á milljónir unglinga að láta bólusetja sig allt sumarið og haustið [27]. Hin sorglega staðreynd var sú að fjöldabólusetning var látin hafa forgang fram yfir gagnsæi og varúð.

Það var ekki fyrr en í október 2021 sem byrjað var að taka viðvörununum af meiri alvöru. Norðurlönd takmörkuðu notkun Moderna bóluefnisins vegna hjartavöðvabólgu [28]. FDA og CDC neyddust til að ræðaáhættuna með opnari hætti á fundum [29].

En samt héldu þessar stofnanir áfram að ota efnunum að sífellt yngri hópum [30]. Byrjað var að bólusetja fimm ára börn í nóvember þrátt fyrir að engin gögn um öryggi þess lægju fyrir [31]. Þær tóku að ota örvunarskömmtum að unglingum, þvert gegn ráðleggingum evrópskra kollega þeirra [32].

Sönnunargögnin héldu áfram að hrannast upp árið 2022 um að bóluefnin væru að valda hjartaskaða [33]. Ungt fólk, nánast allt drengir, þjáðist af alvarlegum afleiðingum [34]. FDA samþykkti að fullu Moderna og Pfizer bóluefnin og varla var minnst á hjartavöðvabólgu[35].

Eftirlitsaðilar um allan heim drógu úr hvatningu til örvunarbólusetninga fyrir ungt fólk eftir því sem fleiri vísbendingar um skaðsemina komu fram [36]. En Bandaríkin óðu áfram, leyfðu jafnvel fjórða skammtinn áður en nein rannsóknargögn voru tiltæk [37].

Þremur árum og yfir 1.600 staðfestum VAERS skýrslum síðar [38], viðurkenndi CDC loksins opinberlega að mRNA bóluefnin valdi hjartavöðvabólgu [39]. En yfirvöld halda sig enn við þá afstöðu að ávinningur vegiþyngra en áhætta fyrir alla hópa [40].

En í ljósi þess að rannsakendur greina nú frá hjartavandamálum mörgum mánuðum eftir bólusetningu [41], er alls óljóst hvort umfang áhættunnar sé að fullu þekkt. Sumir sérfræðingar halda því fram að samfélagið hafi misst sjónar á þeirri fyrstu grunnreglu læknisfræðinnar að valda ekki skaða í flýtinum að bólusetja heilt landgegn COVID-19 [42].

Hvers vegna var ekki hlustað á viðvörunarmerkin þegar þau komu fyrst fram? Hversu margir urðu fyrir skaða vegna þess að vísbendingum var hafnað eða þeim leynt [43]? Og hvers vegna er umræða um varkárni við bólusetningar enn bannorð þrátt fyrir að sönnunargögn um hættuna af of víðtækum bólusetningum hrannist upp [44]?

Þessari sögu er hvergi nærri lokið. Eftir því sem fleiri rannsóknir kafa ofan í langtímaafleiðingar og dauðsföll sem hugsanlega stafa af hjartavöðvabólgu af völdum bóluefnis [45], munu spurningar halda áfram að hrannast upp.

Fjölskyldurnar sem orðið hafa fyrir óafturkræfum afleiðingum krefjast ábyrgðar. Viðurkenningu á því að upplýst samþykki var ekki virt í bólusetningarherferðunum [46]. Og tryggingu fyrir því að slagorð um að „fylgja vísindunum“ nái aldrei aftur yfirhöndinni gagnvart virðingu gagnvart heilsu fólks [47].

Hjartavöðvabólgan reyndist vera toppurinn á ísjakanum þegar kom að vanmetinni hættu vegna bóluefnanna [48]. Einungis tíminn mun leiða í ljós hveru mörgum lífum hefur verið umturnað eða fórnað í kapphlaupinu um að bólusetja heiminn[49].

Greinin birtist fyrst á vef Brownstone Institute þann 24. september 2023.

Heimildir:

Hjartavöðvabólgan – toppurinn á ísjakanum

Tengdar færslur

Comments

Leave a Reply Cancel reply

Deila með öðrum:

Tengdar færslur

Comments

Leave a Reply Cancel reply