Þessi grein er framhald af samnefndum greinum,“glæpur aldarinnar” um kófið. Nú verður fjallað um hálfguðina sem leiddu för.
Það er ríkt hjá mörgum að treysta læknum enda er sagt “Þú átt alltaf að treysta lækninum þínum”.
Slík útvistun á hugsun á þó engan rétt á sér því Hippókratesareiðurinn er löngu dauður og eftir situr nýrri útgáfa “Fyrst skal ei skaða starfsframann”. Læknar í fjölmiðlum hafa flestir hagsmuna að gæta sem ræður ráðgjöfinni. Hagsmunir lyfjafyrirtækja eða framapots í kerfi sem verðlaunar þá sem klappa hæst. Ráðgjöf lækna í kófinu hefur því elst illa.
Tilraunin
Í upphafi bólusetningaherferðarinnar fullyrti yfirlæknir ónæmisfræðideildar að bóluefnin byggju til hjarðónæmi og að hliðarverkanir væru bara bóluefnin að virka. [1] Þetta var stefna yfirvalda og 11. júní 2021 tilkynnti sóttvarnalæknir: „Við erum komin með gott hjarðónæmi“. Tveimur mánuðum síðar kom nýr boðskapur og sagt að allir yrðu að smitast til að fá hjarðónæmi. [2] Öðrum tveim mánuðum síðar var hann farinn að hvetja til bólusetningar barna því barn hefði fengið blóðtappa í lungun eftir covid. [3] Það láðist þó að nefna að umrætt barn var nýbólusett sem bældi ónæmiskerfið akkúrat þegar það smitaðist. [4] Ámælisvert er að slíkur augljós bóluefnaskaði hafi verið notaður til að hvetja fleiri börn í eitursprautu sem olli hjartavöðvabólgu í 3% sprautaðra.
Leikhús fáránleikans
Allar sóttvarnaraðgerðir reyndust vera sóttflóttaaðgerðir því á endanum smituðust allir. Verðbólgan í dag er að öllu leyti afleiðing þessar aðgerða sem voru réttlætar af sóttvarnarlækni með því að það myndi hvort er eð enginn ferðast.
Fullorðnum var bannað að dansa og skemmta sér í hópum, en börn voru undanþegin. Þau voru samt send í eitursprautuna.
Varðeldar voru bannaðir og samkomur sem stóðu lengur en til 1:00 (háttatími). Fólk átti að ferðast innandyra og jólin urðu að jólakúlum. Á landamærum fóru óbólusettir í sóttkví á meðan bólusettir sluppu löngu eftir að vitað var að bóluefnin hindruðu ekki smit. Fólki í sóttkví var bannað að nota bílaleigubíl en máttu nota strætó í “göngufríinu” sínu.
Covidsjúklingar þurftu að bíða úti í 1-2 klst í hríðarbil eftir covidprófi og fólki í einangrun var sagt að taka hitalækkandi strax við 38,5° og borða og drekka þótt það hefði ekki lyst. [5] Þessi ráð bæla ónæmiskerfið og gera fólk veikara.
Þó viðurkennt hafi verið að grímur virkuðu ekki í Landakotssmitinu því smit var loftborið, er nú aftur komin grímuskylda á spítölunum. Yfirgripsmikil Cochrane rannsókn á grímum [6] hefur nú sýnt að grímur drógu ekki úr smiti. Í tilmælum til starfsmanna spítalans er þeim þó gefin undanþága á grímuskyldunni ef þeir eru án kvefeinkenna. Starfsmönnum er því talin trú um að það sé í lagi að mæta til vinnu með kvef bara ef þeir nota grímu.
Ráðgátan
Covidandlátin á Íslandi eru ráðgáta, því flest urðu eftir covid var orðin mild kvefpest. Ný rannsókn á umframandlátum í 125 löndum bendir á að röng meðferðarúrræði kunni að vera skýringin. [7]
Eftir að Landspítalinn greip aftur til covidaðgerða nú í júlí eru allir sjúklingar skimaðir. Í einu tilfelli, sem greinahöfundur þekkir til, var sjúklingur á leið í krabbameinsmeðferð settur lyfið remdesivir eftir að hafa mælst með einkennalaust covid. Lyfið fékk neyðarleyfi í kófinu en í dag sýna rannsóknir að það eykur veikindi, dánarlíkur og 20 faldar líkur á nýrnabilun.
Í úttekt Skota á covidtímanum [8] kom í ljós að að endurlífgun sjúklinga var oft bönnuð og þeir settir á lífslokameðferð án samþykkis.
Hér á Íslandi þekkir greinahöfundur til tveggja tilfella frá 2022, þar sem eldri sjúklingar komu á bráðamóttöku,(annar vegna bakverkja og hinn með brotið rifbein) og voru mældir með einkennalaust covid. Báðir voru settir á covidmeðferð og voru dánir á fimm til tíu dögum.
Þetta er undarlegt því covid var alltaf það mildur sjúkdómur að enginn dó heima hjá sér. Eina mögulega skýring andlátanna er að meðferðin hafi beinlínis verið skaðleg eins og í Skotlandi. Á lyfjaplani annars sjúklingsins (sem greinahöfundur hefur séð) sést að hann fékk remdesivir, sterameðferð sem bældi ónæmiskerfið og morfín- og opíóðalyf sen hindra súrefnisupptöku. Þetta var lífslokameðferð.
Ólíklega er þetta einsdæmi. Hversu margir fengu remdesivir og tengdar aukaverkanir? Hversu margir fengu lífslokameðferð eða bann við endurlífgun? Voru öndunarvélar ofnotaðar hér eins og gerðist í New York? [9]
Áríðandi er á að gera í íslenska rannsókn í anda þeirrar skosku sem svarar þessum mikilvægu spurningum. Slík rannsókn þarf að vera gerð af óháðum aðilum óháðri valdablokk heilbrigðiskerfisins sem ber ábyrgð á mistökunum.
Vanþekking er aldrei vörn og þeir sem ekki læra að mistökum fortíðar eru dæmdir til að endurtaka þau. Þetta þolir enga bið því heilbrigðiskerfið virðist aftur komið á sömu sjálfstýringu og áður.
Heimildaskrá:
[1] tinyurl.com/hgud01
[2] tinyurl.com/hgud02
[3] tinyurl.com/hgud03
[4] tinyurl.com/hgud04
[5] tinyurl.com/hgud05
[6] tinyurl.com/hgud06
[7] tinyurl.com/hgud07
[8] tinyurl.com/hgud08
[9] tinyurl.com/hgud09
[10] tinyurl.com/hgud10
Greinin birtist fyrst í Morgunblaðinu.
