Hvað segja hjúkrunarfræðingar og ljósmæður um covid-varnir?

Síðustu þrjú ár hafa verið ólík öllu sem við þekkj­um. Heims­far­ald­ur var sagður geisa og svo hættu­leg­ur að við yrðum aldrei óhult nema þiggja mjög sér­stak­ar mRNA-spraut­ur; fyrst eina, og svo marg­ar. Eng­inn fær að vita hvað spraut­urn­ar inni­halda. Eng­ar op­in­ber­ar umræður voru leyfðar í fjöl­miðlum og fólk sem ekki hlýddi Víði og fé­lög­um var litið horn­auga og rit­skoðað.

Hvergi í op­in­ber­um fjöl­miðlum birt­ust fyr­ir­byggj­andi ráð um heilsu; nær­ingu, stóra skammta af D- og C-víta­míni, návist við ást­vini, mik­il­vægi þess að anda að sér hreinu lofti, stunda hreyf­ingu o.s.frv. Sótt­varnateymið hvatti til aðgerða sem eru klár and­stæða heilsu­vernd­ar; m.a. að ein­angra okk­ur, ganga með grímu, leggja niður íþrótt­astarf, loka skól­um og vinnu­stöðum og spritta í burtu varn­ir húðar­inn­ar. Ótt­inn, óvin­ur ónæmis­kerf­is­ins, var í beinni alla daga.

Blekk­ing­in mikla

Svo komu spraut­urn­ar, á ljós­hraða, og fólki á öll­um aldri (fóst­ur meðtal­in) var hóað sam­an í höll­ina. Þær reynd­ust ekki bara gagns­laus­ar held­ur dauðans al­vara fyr­ir marga. Sum­arið 2022 voru um­framdauðsföll Íslend­inga um 50% þrátt fyr­ir að stærsti hluti þjóðar­inn­ar hefði fengið stungu – og fleiri en eina. Fyr­ir spraut­ur voru um­framdauðsföll fá ef nokk­ur og meðal­ald­ur lát­inna svipaður og í venju­legu ár­ferði. Um síðustu ára­mót trónuðu Íslend­ing­ar aft­ur á toppn­um með dauðsföll í Evr­ópu. Vís­inda­fólk á ný­legri ráðstefnu á Íslandi benti á að 17.000.000 dauðsföll væru rak­in til sprautn­anna, og tal­an hækk­ar hratt.

Merki­legt nokk fékk ár­lega flens­an frí frá skrán­ingu hjá Land­læknisembætt­inu árið 2020. Fólk var hvatt til að fara í PCR-próf, sem eru mjög óáreiðan­leg og á aldrei að nota til sjúk­dóms­grein­inga að sögn Kari Muller sem fann þau upp. Fólk án ein­kenna var sett í ein­angr­un. Aðgerðir voru grimmi­leg­ar og and­leg streita og veik­indi juk­ust stór­lega. Hvernig líður hjúkr­un­ar­fræðingi við að meina aðstand­end­um að heim­sækja ást­vin á sjúkra­beð? Að sprauta barn með til­rauna­efni? Að neita eldra fólki um að hitta ást­vini mánuðum sam­an? Hvernig líður ljós­móður með að neita konu á meðgöngu um að hafa stuðningsaðila með í skoðanir? Eru regl­ur sem brjóta á mennsku og al­mennri skyn­semi rétt­læt­an­leg­ar? Þannig regl­ur eru streitu­vald­ur fyr­ir alla.

Til­kynn­ing­ar um auka­verk­an­ir

Heil­brigðis­starfs­fólki ber skylda til að til­kynna til Lyfja­stofn­un­ar auka­verk­an­ir nýrra lyfja. Það var sjald­an gert. Til­kynn­ing­ar til stofn­un­ar­inn­ar eru þó yfir 6.000 og yfir 300 al­var­leg­ar. Fólk sem hef­ur glímt við al­var­leg­ar auka­verk­an­ir sprautn­anna seg­ist ekki fá hlust­un, því er jafn­vel sagt að það hafi „long covid“ – og málið er af­greitt. Spraut­urn­ar áttu þó að fyr­ir­byggja al­var­leg veik­indi af pest­inni.

Ég spyr ykk­ur hjúkr­un­ar­fræðinga og ljós­mæður hvort ein­hver umræða sé í gangi varðandi 80% aukn­ingu á and­vana fæðing­um á Íslandi árið 2021, eft­ir að kon­ur á meðgöngu og með börn á brjósti voru hvatt­ar til að fara í spraut­ur? 100% aukn­ing var á and­lát­um barna inn­an eins árs ald­ur þetta sama ár (sjá töl­ur Hag­stof­unn­ar). Er umræða í gangi um þær þúsund­ir kvenna sem þjást vegna verkja og blæðingatrufl­ana eft­ir spraut­ur? Margt bend­ir til að spraut­urn­ar geti valdið ófrjó­semi. Er umræða í gangi um stór­aukn­ingu á krabba­mein­um, löm­un­um, hjarta­bólg­um, fóst­ur­lát­um, blóðtöpp­um og öðrum al­var­leg­um heilsu­brest­um? Ég vona að svo sé.

Á síðustu öld starfaði ég í ung­barna­eft­ir­liti og sprautaði börn með bólu­efn­um sem ég vissi lítið um. Kannski er ég sú eina sem get­ur verið svona ein­föld. Ég treysti lyfja­fyr­ir­tækj­um og fag­bók­um sem fyr­ir­tæk­in sjálf skrifuðu og ætlaði eng­um það að vilja græða á því að skaða aðra. 2009 fékk Pfizer þyngsta dóm sög­unn­ar; 2,3 millj­arða doll­ara, fyr­ir að birta falsk­ar rann­sókn­arniður­stöður í markaðssetn­ingu lyfja. Um miðja síðustu öld sögðu lækn­ar thalidomid vera gott og ör­uggt lyf við ógleði á meðgöngu. Af­leiðing­arn­ar voru hræðileg­ar van­skap­an­ir á þúsund­um barna.

Ein­ræði WHO

Hvað finnst hjúkr­un­ar­fræðing­um og ljós­mæðrum um það að af­henda WHO, Alþjóðaheil­brigðismála­stofn­un­inni, lögræði yfir lífi okk­ar? Þegar WHO tel­ur heims­far­ald­ur hefjast þá fær stofn­un­in, sem fær 80% rekstr­ar­fjár síns frá lyfja­fyr­ir­tækj­um, ein­ræði yfir sótt­vörn­um okk­ar. Ný­samþykkt sótt­varna­lög Íslands leyfa lík­am­legt of­beldi á þeim sem ekki hlýða. WHO, sem var áður ráðgef­andi stofn­un, fær nú lögræði yfir aðild­arþjóðunum. Þing­heim­ur hef­ur næstu vik­ur til að skrá okk­ur úr þessu glapræði en ekki heyr­ist hvísl um málið, enda for­sæt­is­ráðherra vor út­nefnd sendi­herra vel­sæld­ar­verk­efn­is WHO.

Ég hvet hjúkr­un­ar­fræðinga og ljós­mæður til að tengja sam­an hug og hjarta og skapa op­in­ber­an umræðuvöll um reynslu síðustu þriggja ára, vit­andi að heiðarleg vís­indi spyrja spurn­inga og má aldrei þagga niður. Þess­ar fag­stétt­ir bera fyrst og fremst ábyrgð gagn­vart skjól­stæðing­um sín­um – ekki yf­ir­boðurum.

htt­ps://​ec.europa.eu

Stytt: mbl.is/​go/​972t6

htt­ps://​www.justice.gov

Stytt: mbl.is/​go/​7k664

Greinin birtist áður í Morgunblaðinu 18. október 2023.