Kári Stefánsson virðist enn vera álitinn bóluefnasérfræðingur númer eitt á Íslandi þar sem hann er sá fræðimaður sem fjölmiðlar taka viðtal við vegna þess hve dregið hefur úr bólusetningum barna.
Í þessu stutta viðtali við Kára í fréttum á stöð 2 segir hann ástæðuna fyrir þessum samdrætti skýrast að hluta til vegna „harkalegra árása á bóluefnin” við Covid 19. En hvað með ástæðuna fyrir þessum harkalegu árásum? Myndi ætla að það væri hin raunverulega ástæða sem skýrir bæði þessar harkalegu árásir og samdráttinn í bólusetningum barna? Kári virðist ekki átta sig á þessu.
Næst beitir Kári þekktri rökvillu (guilt by association) þar sem hann reynir á einhvern undarlegan hátt að bendla fólk sem telur jörðina vera flata við fólk sem telur „bólusetningar alltaf hættulegar”. Er ekki komið nóg af svona gaslýsingum? Er þetta virkilega vísindamaður sem talar svona?
Þessi taktík er mjög vinsæl til þess að þurfa ekki að ræða skoðanir. Í stað þess er reynt að bendla fólk með ákveðnar vangaveltur við skoðanir á ysta jaðri og þannig koma í veg fyrir að rökræða þurfi við viðkomandi. Mjög óvísindalegt og ber keim af heigulshætti.
Í kjölfar fullyrðingar spyrils um að „öll kurl séu ekki komin til grafar” varðandi bólusetningarnar við Covid 19 þá fullyrðir Kári (mjög óvísindalega) að það séu vissulega „öll kurl komin til grafar”. Þá getum við væntanlega bent vísindasamfélaginu á að hætta rannsaka Covid 19 sprauturnar og langtímaáhrif þeirra þar sem álitsgjafi nr.1 á Íslandi talar eins og engar fleiri upplýsingar muni koma upp á yfirborðið.
Langar að minna lesendur á fræg orð Kára í sprautuherferðinni um árið þar sem hann lagði til að ósprautaðir myndu verða sendir til Grímseyjar án mannréttinda. Er þetta virkilega leiðin sem vísindamaðurinn hélt að myndi sannfæra þá sem þáðu ekki sprauturnar?
Getur verið að svona öfgaskoðanir með hótunum um ofbeldi hafi ákkúrat öfug áhrif á saklausa foreldra sem eru að reyna kynna sér málin úr öllum áttum? Spurning með að ríkisstyrktu miðlarnir fari nú ekki að leita sér að öðrum álitsgjafa?
