Vissir þú að sprauturnar sem fólk var hvatt til að setja í sig á tímum heimsfaraldurs eru baneitraðar og hafa valdið óteljandi dauðsföllum, útbreiddri ófrjósemi, lamandi sjúkdómum, hjartavandamálum og líffærabilunum, og vissir það með óyggjandi hætti?
Vissir þú að veiran sem sprauturnar áttu að verja okkur gegn var búin til á rannsóknarstofu og sú aðgerð fjármögnuð með leynd af bandarískri ríkisstofnun?
Kannski vissir þú þetta ekki, og kannski er þetta ekki einu sinni satt. Kannski eru þetta bara samsæriskenningar. En líklega ekki.
Meðal seinustu embættisverka Joe Biden, fráfarandi Bandaríkjaforseta, var að náða mann að nafni Dr. Anthony S. Fauci, fráfarandi yfirmanns hinnar bandarísku National Institute of Allergy and Infectious Diseases (NIAID), sem hann stýrði frá 1984 til 2022, hefur milljarða dollara til umráða og getur haft mikil áhrif á hvað og hvað er ekki rannsakað innan læknisfræðinnar. Náða áður en nýr forseti fær tækifæri til að rannsaka störf hans. Náða fyrir glæpi sem Dr. Fauci hefur „mögulega“ framið eða tekið þátt í að fremja frá árinu 2014 eins og segir í náðuninni.
Ekkert að sjá hér!
Alex Berenson hittir naglann á höfuðið: Sprauturnar veita vissulega ónæmi – gegn saksókn!
„Turns out the Covid vaccines provide immunity after all.“
Dr. Fauci er ekki eini saklausi engillinn sem fær slíkt lausnaspjald frá forsetanum fráfarandi. Slíkt hafa líka fengið margir fjölskyldumeðlimir Bidens, og margir af samstarfsmönnum hans (en sumir ekki og eru mjög svekktir).
En hvað þýðir þetta fyrir þá sem styðja málfrelsi og vilja að lög og reglur gildi? Jú auðvitað það að takmarkanir á málfrelsi – skipulagðar og kerfisbundnar og keyrðar áfram af yfirvöldum en gjarnan með notkun fjölmiðla og „sérfræðinga“ – eru vísbending. Þær eru vísbending um að hið opinbera hafi eitthvað að fela. Að eitthvað gruggugt sé á ferð. Köllum það samsæriskenningar eða hvað sem er – að yfirvöld séu að stunda samsæri gegn okkur almennum borgurum, sem er orðið nánast vandræðalegt að neita fyrir í dag.
Þar með er ekki sagt að íslensk yfirvöld hafi stundað samsæri viljandi. Þau keyptu bara sömu lygarnar og allir aðrir og sannfærðu okkur um sannleiksgildi þeirra.
Nú þegar er búið að bjarga manninum sem fjármagnaði sköpun á veiru, og varð moldríkur sem opinber starfsmaður, frá því að svo mikið sem svara fyrir verk sín er ekkert víst að neitt traust sé eftir. Það er á slíkum tímum að varðstaðan fyrir málfrelsi hefur sjaldan verið mikilvægari. Að það þurfi að segja hátt og skýrt að keisarinn sé nakinn, ef undan er skilinn peningapokinn sem hann heldur á til að hylja klofið.
