Nú þegar Repúblikanar eru komnir með stefnuvaldið í þinginu í Washington DC má vænta að loksins fari af stað rannsóknir á ýmsum af þeim vafamálum og jafnvel misferlum sem blasa við varðandi faraldurinn. House Select Subcommittee on the Coronavirus Pandemic (undirnefnd Committee on Oversight and Accountability) heitir nefndin sem ætlað er að kafa ofan í málin og er hún undir forsæti Repúblikans Brad Wenstrup, læknisfræðimenntaðs fulltrúa frá Ohio.
Uppruni veirunnar
Fyrr í mánuðinum, nánar tiltekið 8. mars sl., var uppruni veirunnar á dagskrá nefndarinnar, þar sem Dr. Robert Redfield, fyrrum forstjóri CDC, var á meðal vitna [1]. Hér er um að ræða fyrrum æðsta yfirmann sóttvarnamála í Bandaríkjunum, innsti koppur í búri, sem kom að því að móta narratíf stjórnvalda fyrstu 10 mánuði faraldursins en margt af því sem kom fram í máli hans er algjörlega á skjön við það.
Hingað til hefur verið bannað að fjalla um að veiran sé manngerð í stóru meginmiðlunum í Bandaríkjunum að Fox News undanskildu og “óháðu” “fakt-tékkararnir” hafa dæmt allt tal um það hingað til sem anti-vaxx samsæriskenningar. Sumir áðurnefndra fjölmiðla hafa nú snúið við blaðinu og gert þessu ágæt skil en það sama verður ekki sagt um íslenska fjölmiðla, þeir hafa ekki séð ástæðu til að minnast orði á málið. Forvitnilegt væri að vita hvernig á því stendur, því málefnið hlýtur að teljast bæði merkilegt og mikilvægt, því hér gæti verið um að ræða versta glæp eða slys mannkynssögunnar.
Virkniseflingarrannsóknir
Redfield staðfesti vitneskju sína um virkniseflinga (gain-of-function – GoF) rannsóknir á kórónuveirum sem bæði fóru fram í BNA og Kína og fjármagnaðar voru af NIAID undir forystu Dr. Anthony Fauci (sem stjórnaði að stóru leyti hverjir fengju styrki til lífeðlis- og læknisfræðirannsókna í BNA sl. 50 ár). Einnig kom fram hjá honum að Utanríkisráðuneytið (State Department) og Varnarmálaráðuneytið (DoD) voru aðilar að þessum vafasömu rannsóknum, sem eiga sér langa forsögu.
Aðkoma þessara tveggja ráðuneyta var ekki rædd frekar í þetta sinn en hún hlýtur að vekja upp óþægilegar spurningar og jafnvel renna stoðum undir samsæriskenningar um að kóvid hafi verið þróað sem lífefnavopn. Margvísleg aðkoma hernaðaryfirvalda og leyniþjónustu í faraldrinum bæði í BNA og UK eins og afhjúpað hefur verið, auk opinberra gagna, m.a. varðandi lífefnarannsóknir í Ukraínu [2] og útgefnar vísindagreinar löngu fyrir faraldur þar sem fjallað er um gerð veira sem samsvara sér vel við þá sem hér um ræðir, með milljarða styrkjum frá Fauci og hernaðaryfirvöldum [3], benda líka í þessa átt.
Umfjöllun um upprunann bönnuð
Í vitnaleiðslunum var einnig talað um örvæntinguna sem greip um sig hjá Fauci og félögum snemma í faraldrinum skv. tölvupóstunum frægu sem opinberaðir voru í gegnum upplýsingalög (FOIA), þegar umræða fór í gang um að veiran væri manngerð, fljótlega eftir að búið var að birta raðgreininguna á henni. Tveir háttskrifaðir veirusérfræðingar, Dr. Kristian Andersen og Dr. Robert Garry, skrifuðu félögum sínum hjá NIH/NIAIDS (Collins/Fauci) tölvupósta um að þeir teldu vera merki um að veiran væri manngerð og í kjölfarið var kallað til neyðarfundar, sem leiddi til þess að veirufræðingarnir tveir skiptu snarlega um skoðun og skrifuðu grein á 3 dögum sem fékk flýtibirtingu í hinu fyrrum virta læknatímariti Nature Medicine [4]. Þeir Dr. Andersen og Dr. Garry var síðan að sjálfsögðu ríkulega umbunað með skattpeningum frá Fauci, samtals á fimmta milljarð á árunum 2020-22.
Í þessu sambandi má rifja upp að margir aðrir vísindamenn komust fljótlega að þeirri niðurstöðu að veiran gæti ekki verið annað en manngerð [6] og þorðu að tjá sig um það, þ.á.m. nóbelsverðlaunahafinn Dr. Luc Montagnier (greindi HIV veiruna fyrstur manna) og hópur indverskra vísindamanna (Pradhan et al.) sem gáfu út ágæta vísindagrein [5], þar sem þeir færðu sönnur fyrir máli sínu. Grein þessi var fljótlega tekin til baka, í hasti yfir helgi, sem almennt tíðkast ekki í þessum bransa. Meðal þess sem þessir vísindamenn bentu á, fyrir utan fordæmalausa smithæfni á milli manna fyrir veiru sem átti að vera nýkomin frá dýrum, var að hún innihélt m.a. búta úr HIV veirunni, gp120 og Gag, auk annarra sem þeir töldu ómögulegt að gerst hefði fyrir náttúrulega tilviljun. Anthony Fauci vissi vel hvað þarna var á ferðinni, hann stjórnaði jú HIV-faraldrinum á sínum tíma og er skráður fyrir þremur einkaleyfum er tengjast gp120.
Til gamans má geta þess að ég birti færslu á Facebook í febrúar 2020 með umfjöllun um rannsókn indversku vísindamannana eftir að hafa lesið umsagnir virtra vísindamanna. Ég ákvað hins vegar að eyða færslunni í kjölfar þess að Facebook sparkaði í mig með fakt-tékki frá Science Feedback, sem eftir á að hyggja var illa skrifað og rökstutt, eins og flest sem hefur komið úr þeirri áttinni. Ég féll í þá hégómlegu gryfju að vilja fylgja narratífinu, “við erum öll í þessu saman”, s.s. ennþá sofandi og með “Ég hlýði Víði” ramma á prófílmyndinni minni. Ekki vildi ég fá á mig niðrandi stimpil að vera álhattur, samsæriskenningasmiður, anti-vaxxer eða eitthvað þaðan af verra eins og hin grunnhyggna umræðuhefð hér á Íslandi bauð upp á.
Hvenær komst veiran á kreik?
Víkjum aftur að yfirheyrslunni yfir Dr. Robert Redfield. Annað sem hann sagði, sem hingað til hefur verið bannað að ræða um í meginmiðlunum, var að veiran var kominn á fullt a.m.k. þegar í september 2019. Þetta sýndu m.a. mælingar á mótefnum í blóðbönkum, víða í BNA og Evrópu. Ég skrifaði Fb færslur um þetta mikilvæga atriði nokkrum sinnum 2020 m.a. hér [7].
En afhverju er þetta mikilvægt atriði? Jú, það sýnir okkur að veiran var búin að vera grassera í a.m.k. 4 mánuði víða um heim áður en leiksýningin hófst í Kína. Ef við hefðum ekki fengið, það sem við vitum núna að var sviðsetning, hræðsluáróðurs myndskeið frá Kína, þar sem fólk var að detta niður dautt á götum úti, fjöldagrafir teknar, bráðabirgðasjúkrahús reist á mettíma og fólk logsuðað inn á heimilum sínum, hefði líklega enginn áttað sig á að faraldur með splunkunýrri “stórhættulegri” veiru væri hafinn. Fyrsti partur plansins gekk fullkomlega upp, heimurinn varð gagntekinn af ótta við hinn ósýnilega óvin og eftirleikurinn auðveldur.
Tedros forstjóri WHO, fyrrverandi starfsmaður hjá Bill Gates (GAVI) og ráðherra í Eþíópíu sem sakaður hefur verið fyrir þjóðarmorð og aðra alvarlega glæpi [8,9], Anthony Fauci og Bill Gates, sem fljótlega eftir að faraldurinn hófst, varð vinsælasti “smitsjúkdómasérfræðingurinn” til að leita álits til af hálfu áróðursmiðlana í BNA, hrósuðu allir Kínverjum í hástert fyrir viðbrögð þeirra og gerðu að því skóna að svona ættum við á Vesturlöndum að gera líka.
Sannleikurinn verður að koma fram í dagsljósið
Við þekkjum öll framhaldið, alræðið smitaðist frá Kína eins og eldur um sinu, stjórnarskrám lýðræðisríkja var ýtt til hliðar, vísindin hunsuð, ritskoðun og þöggun innleidd, fjölmiðlar breyttust í áróðurstæki þeirra sem stóðu að baki faraldrinum, heilbrigt fólk var PCR-prófað á yfirsnúningi (40-45 ct), dæmt sjúkt og fangelsað í sóttkvíarbúum, fólk niðurlægt með gagnslausri grímuskyldu, bólusetningapassar í anda kínverska “social credit” kerfisins teknir upp, fólk skikkað í stórháskalegar lyfjatilraunir, stóru læknatímaritin notuð til að birta falskar vísindagreinar o.s.frv.
Skaðinn sem atburðir síðustu 3ja ára hafa valdið almenningi um allan heim er óendalega mikill og verður aldrei bættur. Eins og kom fram í vitnaleiðslunni eru sterkar vísbendingar um að rangt hafi verið haft við hvað varðar sjálfa tilurð faraldursins og ljóst að stjórnvöld víða um heim hafa blekkt eigin þegna með óttaáróðri og mörgu fleiru. Fátt er mikilvægara en að sannleikurinn verði leiddur fram í dagsbirtuna og menn látnir sæta ábyrgð ef við viljum minnka líkurnar á að þetta verði endurtekið í náinni framtíð.
Heimildir:
1. Former CDC director Robert Redfield testifies before House on COVID origins – https://www.youtube.com/live/QPEIm4v8QXU
2. U.S. Department of Defense issued a ‘COVID-19 Research’ contract 3 Months before COVID-19 was known to officially exist – https://anamihalceamdphd.substack.com/p/us-department-of-defense-issued-a
3. https://palexander.substack.com/p/baric-and-the-malfeasants-working
4. The proximal origin of SARS-CoV-2 – https://www.nature.com/articles/s41591-020-0820-9
5. Uncanny similarity of unique inserts in the 2019-nCoV spike protein to HIV-1 gp120 and Gag – https://s.rfi.fr/media/display/22fb1820-f9a0-11ea-9ad9-005056bff430/02%20Uncanny_similarity_of_unique_inserts_in_the_2019-n.pdf
6. Sars-Cov-2 was Lab Made Under Project DEFUSE – https://igorchudov.substack.com/p/sars-cov-2-was-lab-made-under-project
7. Veiran komin í dreifingu haustið 2019 – https://bit.ly/kovid-haust-2019
8. WHO chief Tedros Ghebreyseus is accused of aiding genocide in Ethiopia: Nobel peace prize nominee lodges complaint with International Criminal Court – https://www.dailymail.co.uk/news/article-9052247/WHO-chief-Tedros-Ghebreyseus-accused-aiding-genocide-Ethiopia-nobel-peace-prize-nominee.html
9. Exposed: WHO’s Gangster and Dictator Dr. “Tedros the Terrorist” Adhanom Gebreyesus – https://expose-news.com/2022/07/26/whos-tedros-the-terrorist-adhanom-gebreyesus/
