Fyrrverandi innanríkis- og samskiptaráðherra og núverandi þingmaður Japans, Kazuhiro Haraguchi, tók þátt í sögulegum mótmælum í Tokyo síðustu helgi gegn Alþjóðaheilbrigðismálastofnuninni (WHO).
Mótmælin voru í tengslum við alþjóðlegan baráttufund sem haldinn var á torginu, Place des Nations, fyrir utan Sameinuðu þjóðirnar í Genf sl. laugardag, 1. júní. Ræðumenn og þátttakendur komu víðsvegar að úr heiminum og meðal ræðumanna voru Íslandsvinirnir og læknarnir Aseem Malhotra og Vibeke Manniche ásamt svissneska lögmanninum Philip Kruse. Öll hafa þau haldið ræðu á ráðstefnum hérlendis. Sjá mátti íslenska fánann blakta í mannfjöldanum á torginu. Að ræðuhöldunum loknum var haldið í rúmlega tveggja tíma baráttugöngu um Genf þar sem slagorðin voru meðal annars: „Segjum nei við WHO “, „Segjum skilið við WHO “ Gönguna leiddu tugir Svisslendinga sem báru á herðum sér níðþungar kúabjöllur sem glumdu hátt um stræti Genf borgar.
Mótmælin í Tokyo
Haraguchi hélt opnunarræðuna í Tokyo og flutti öflugt og hjartnæmt ávarp sem vakti mikla athygli.
Haraguchi byrjaði á því að tala um sorgina og missi óteljandi einstaklinga og fjölskyldna í heimsfaraldrinum. Hann vottaði þeim af einlægni samúð sína og viðurkenndi ábyrgð á mistökum valdhafa. „Ég bið ykkur öll afsökunar. Svo margir hafa látist, nokkuð sem hefði ekki þurft að gerast,“ sagði hann. Orð hans einkenndust af mikilli samkennd og eftirsjá vegna þeirra hörmunga sem hægt hefði verið að koma í veg fyrir.
Eitt af lykilatriðum í ræðu Haraguchi var gagnrýni hans á bannið við lyfinu Ivermectin, japönsku nóbelsverðlaunalyfi sem þróað var af Dr. Satoshi Omura. Haraguchi taldi að lyfið hefði getað gegnt mikilvægu hlutverki í baráttunni við COVID-19. Hann velti fyrir sér ástæðunni á bak við bannið og gaf í skyn að fjárhagslegir hagsmunir hefðu verið settir framar lýðheilsunni. „Hvers vegna? Af því að Ivermectin er ódýrt lyf. Þeir vildu það ekki vegna þess að það hefði truflað sölu bóluefnanna,” sagði hann. Fyrir þessa yfirlýsingu sína hlaut hann hávært lófaklapp fjöldans.
Haraguchi sagði frá sinni persónulegu reynslu af heilsumissi. Eftir að hafa fengið Covid sprautur þróaði hann með sér alvarlegan sjúkdóm, nánar tiltekið ört vaxandi krabbamein. „Á þessum tíma í fyrra var ég hvorki með augabrúnir né hár. Tvö af þremur meintum bóluefnum sem ég fékk voru banvænar lotur.“ Þessi einlæga frásögn af baráttu hans við krabbamein sem fól í sér verulegar líkamlegar áskoranir eins og hárlos, fékk mikla hluttekningu hjá fundargestum.
Haraguchi bætti því við að hann væri ekki sá eini á japanska þinginu sem þjáðist af skaðlegum áhrifum bóluefnanna. Hann nefndi að þrír kollegar hans hefðu orðið alvarlega veikir, jafnvel fluttir á sjúkrahús. „Þeir eru verulega veikir en þeir þegja,“ sagði Haraguchi, „nokkuð sem snertir enn víðtækara vandamál; tregðuna eða viljaleysi opinberra einstaklinga til að segja opinskátt frá persónulegum veikindum sínum.“
Haraguchi var sérstaklega ákafur í ræðu sinni varðandi tilraunir til að þagga niður í þeim sem efast um núverandi stefnu og aðgerðir stjórnvalda. Hann sagði frá nýlegu atviki þar sem honum var bannað að tala á sjónvarpsstöðinni, Channel 3, eftir viðtal við framkvæmdastjóra stöðvarinnar.
„Um daginn talaði ég við framkvæmdarstjóra Channel 3, og ég var settur í bann. Þeir eru að reyna að þagga niður raddir okkar,“ sagði hann. Þessi tilraun til að ritskoða andófsraddir bendir til þess að við þurfum að hafa áhyggjur af mál- og tjáningarfrelsi. Haraguchi hvatti áhorfendur til að vera staðfastir og sagði: „Þeir eru að reyna að hindra frelsi okkar, mótspyrnu og kraft okkar. En við munum aldrei tapa.“
Í niðurlagi ræðu sinnar sendi Haraguchi út ákall um aðgerðir. Hann hvatti japönsku þjóðina til að standa sameinuð í að ögra ríkisstjórninni og vafasömum ákvörðunum hennar. „Við skulum kollvarpa þessari ríkisstjórn,“ sagði hann og lagði áherslu á þörfina fyrir breytingar og ábyrgð. Hann hvatti löggjafana til að halda áfram að berjast fyrir lífi og frelsi fólksins. „Látum það gerast,“ sagði hann að lokum.
Það krefst hugrekkis að viðurkenna mistök af hálfu hins opinbera en Haraguchi sýnir flott fordæmi sem fleiri mættu taka sér til fyrirmyndar.
Ræðu Haraguchi má hlýða á hér að neðan.
Ég er að velta fyrir mér hvort á alþingi sé fólk sem kunni ekki að lesa eða öllu heldur nenna ekki að lesa?
ÉG velti þessu fhyrir mér því alþingismenn láta fara fram hjá sér klásúlur þar sem verið er að gefa skotleyfi
á þá ísleninga sem ekki vilja bólusetningar, þrátt fyrir að einmitt það hafi bjargað öllum sem ekki létu bólusetja sig?
Pingback: Ný samtök vegna aukaverkana: Raddir sem ekki má þagga - Krossgötur