Áströlsk yfirvöld leyndu upplýsingum, hvað um íslensk?

Komið er í ljós að áströlsk yfirvöld leyndu vísvitandi andlátum vegna kóvítbóluefna. Um er að ræða andlát þar sem búið var að staðfesta að dánarorsökin væri bóluefnið.

Á sama tíma hafa fjölmiðlar og samfélagsmiðlar markvisst hindrað að upplýsingar um andlát og annan skaða af þessum efnum kæmu fram á sjónarsviðið, ritskoðað, þaggað niður í og bannað þá sem vakið hafa athygli á vandanum.

Dr. Melissa McCann opinberaði þetta í ræðu á ráðstefnu um Covid-19 bóluefni sem haldin var um síðustu helgi.

McCann skýrði frá því hversu erfitt hefði verið að fá fram gögn um tengsl bólusetninga og andláta. Þetta hefði tekið hálft ár, en McCann kallaði eftir upplýsingunum eftir að hafa séð óeðlilegan fjölda aukaverkana meðal sjúklinga sinna eftir bólusetningu.

Þegar McCann fékk loks skjölin kom það henni í opna skjöldu að einungis eitt dauðsfallanna, sem tengdust bólusetningunum, hafði verið birt í skjölum lyfjaeftirlitsins.

Skýring eftirlitsins á þessu var sú að upplýsingarnar gætu dregið úr tiltrú á bóluefnin og var gögnunum jafnframt leynt fyrir ættingjum hinna látnu.

Með öðrum orðum taldi ástralska lyfjaeftirlitið það eðlileg vinnubrögð að leyna andlátum af völdum hættulegra lyfja, til að hindra að almenningur fengi vitneskju um hættuna af lyfjunum. Hlutverk lyfjaeftirlitsins er að tryggja að einungis örugg lyf séu í boði. Rétt er að hafa í huga að flest andlátin sem leynt var, voru meðal barna, en Covid-19 er þeim nánast alveg hættulaust.

Í desember sl. voru dauðsföll hérlendis 43% fleiri en búast hefði mátt við. Landlæknisembættið hefur ekki svarað fyrirspurnum um dánarorsakir og ber því við að beðið sé eftir krufningaskýrslum. Í raun og veru fer krufning almennt ekki fram eftir dauðsfall heldur úrskurðar læknir um dánarorsök og þau gögn liggja strax fyrir. Það kemur á óvart að þau séu svo lengi að berast til embættis Landlæknis. Eins og fram hefur komið sýna íslenskir fjölmiðlar þessari staðreynd afar lítinn áhuga, en sýndu dauðsföllum árið 2020 gríðarlegan áhuga, ef orsök þeirra var talin Covid-19 sjúkdómurinn. Dauðsföll það ár voru þó einungis í meðallagi.

Heilbrigðisyfirvöld á Florida hafa gefið út viðvörun vegna mRNA bóluefna og benda á að meðan fjöldi bóluefnaskammta er fjórfalt meiri en í meðalári er fjöldi tilkynninga um aukaverkanir sautján sinnum hærri og tilkynningar um lífshættulegar aukaverkanir eru 44 sinnum fleiri.